Астықты сақтау

Астық қабылдау кәсіпорындарын сақтау қағидалары мен бекіту тәртібі

«Азық-түлік келісім шарт корпорациясы» ҰК» АҚ (бұдан әрі – Корпорация) астығын сақтауды «Азық-түлік келісім шарт корпорациясы» ҰК» АҚ Ауыл шаруашылығы өнімдерін сақтау ережелеріне (бұдан әрі – Ереже) сәйкес жүзеге асырады.

Ереже Корпорацияның иелігіндегі астықты сақтауға арналған астық қабылдау кәсіпорындарының (бұдан әрі – АҚК) тізімін (бұдан әрі – тізім) бекіту тәртібін, ауыл шаруашылығы өнімін (бұдан әрі – ауыл шаруашылығы өнімі) сақтауға арналған қоймаларды таңдау тәртібін, ауыл шаруашылығы өнімін сақтауға арналған шарттар жасасу тәртібін, Корпорацияның ауыл шаруашылығы өнімдерінің сандық – сапалық жай-күйін есепке алу мен бақылау тәртібін айқындайды.

Толығырақ

Қағидалар Қазақстан Республикасы Ауыл шаруашылығы министрінің 2015 жылғы
29 мамырдағы «Астық қабылдау кәсіпорны мен астық иесі арасындағы астықты сақтаудың жария шартының үлгі нысанын бекіту туралы» № 4-1/487 бұйрығына, «Астық туралы» Қазақстан Республикасының Заңына сәйкес әзірленді», (бұдан әрі-жария шарттың үлгі нысаны) Қазақстан Республикасы Ауыл шаруашылығы министрінің 2015 жылғы 19 маусымдағы № 4-1/546 бұйрығымен бекітілген Астықтың сандық-сапалық есебін жүргізу қағидаларымен, Қазақстан Республикасы Ауыл шаруашылығы министрінің 26 маусымдағы 2015 жылғы № 4-1/573 бұйрығымен бекітілген астықты сақтау қағидалары, корпорацияның ішкі нормативтік құжаттарымен сәйкес жасақталған.

АҚК-мен Шарт Қазақстан Республикасының заңнамасында белгіленген нысан бойынша жасалады (жария шарттың үлгі нысаны).

«Азық-түлік келісім шарт корпорациясы» ҰК» АҚ 100 астық қабылдау кәсіпорындарымен, оның ішінде «Астық қоймалары» ЖШС өзінің еншілес компаниясының 4 астық қабылдау кәсіпорындарымен келісім-шарт қатынастары бар.  Астық қабылдау кәсіпорны-меншік құқығында астық сақтау жүзеге асырылатын астық қоймасы (элеватор, астық қабылдау пункті) бар заңды тұлға;

Астық қолхаттарын шығара отырып, қойма қызметі бойынша қызметтер көрсетуді астық қолхаттарын шығара отырып, қойма қызметі бойынша қызметтер көрсету жөніндегі қызметке қойылатын біліктілік талаптарына сәйкес келген кезде облыстың жергілікті атқарушы органы беретін лицензия негізінде астық қабылдау кәсіпорындары жүзеге асырады.

АҚП тізімін бекіту тәртібін жүктеу

Астық қабылдау кәсіпорындарының тізімі

2025 жылға арналған «Азық-түлік корпорациясы» ҰК» АҚ иелігіндегі астықты сақтау үшін
АҚП ТІЗІМІН ЖҮКТЕУ

Азық-түліктік

Астықтың резервтік қоры

Астықтың резервтік қорын қалыптастыру, сақтау және пайдалану Қазақстан Республикасы Ауыл шаруашылығы министрінің 2021 жылғы 19 наурыздағы № 89 бұйрығымен бекітілген «астықтың резервтік қорын басқару қағидасымен» (бұдан әрі-қағидалар) реттеледі.

Қағиданың 3-тармағына сәйкес, астықтың резервтік қоры «Бидай. Техникалық шарттар» ҚР СТ 1046-2008 ұлттық стандартында (бұдан әрі – ұлттық стандарт) белгіленген тиісті талаптарға сәйкес келетін, 500 000 (бес жүз мың) тонна көлеміндегі оператордың азық-түліктік астығынан қалыптасады.

Толығырақ

Бұдан басқа, Қағиданың 6-тармағына сәйкес, астықтың резервтік қорын сақтау Қазақстан Республикасы Ауыл шаруашылығы министрінің міндетін атқарушысының 2015 жылғы 29 мамырдағы № 4-1/487 бұйрығымен бекітілген астық қабылдау кәсіпорны мен астық иесі арасындағы астықты сақтауға арналған жария шарттың үлгі нысанына сәйкес жасалған астық қабылдау кәсіпорындары мен оператор арасындағы астық сақтау шарттары негізінде жүзеге асырылады.

Қағиданың 10-тармағында, астықтың резервтік қорын пайдалану (өткізу) елді азық-түлік астығымен кепілді қамтамасыз ету мақсатында:

  1. табиғи, техногендік және әлеуметтік сипаттағы төтенше жағдайлар туындағанда;
  2. төтенше жағдай енгізілгенде;
  3. ішкі нарыққа реттеушілік әсер ету үшін өткізіледі.

Астықтың резервтік қорын басқаруды астық нарығы жөніндегі оператор «Азық-түлік келісім шарт корпорациясы» ҰК» АҚ-мен лицензияланған астық қабылдау кәсіпорындарында астықтың резервтік қорын сақтауды қамтамасыз етеді.

Қазіргі уақытта Азық-түлік астығының резервтік қоры Республикамыздың
64 лицензияланған астық қабылдау кәсіпорындарында сақталуда.

Бүгінгі күнге

Жемдік қор

«2022-2024 жылдарға арналған республикалық бюджет туралы» Қазақстан Республикасының 2022 жылғы 12 мамырдағы № 121 – VII ҚРЗ Заңына сәйкес, «Азық – түлік келісімшарт корпорациясы» ҰК» АҚ-сы (бұдан әрі – Корпорация), агроөнеркәсіптік кешенді дамытуды ынталандыру жөніндегі мемлекеттік саясатты іске асыру үшін, атап айтқанда кейіннен құс шаруашылығы мен мал шаруашылығының қажеттіліктерін қанағаттандыру үшін пайдаланылатын жемдік қорын қалыптастыруға 200 мың тонна көлемінде астық сатып алу үшін жарғылық капиталды ұлғайтуға 20 млрд. теңге бөлінді.

Толығырақ

Осылайша, 2022 жылы Корпорациямен астық сатып алынып, кейіннен еліміздің құс және мал шаруашылығы кәсіпорындарын азықпен қамтамасыз ету үшін жемдік қорын құрды.

ҚР Үкіметінің 2020 жылғы 30 желтоқсандағы № 945 қаулысымен бекітілген Корпорацияны дамытудың 2021-2030 жылдарға арналған жоспарына сәйкес Корпорацияның жемдік астығын ішкі нарыққа өткізу жоспарланған.

Бұл ретте, жем қорын сатудан алынған қаражатқа Корпорация жыл сайын 200 мың тонна көлемінде жемдік қорын толықтырып және қалыптастырады.

Бүгінгі таңда жемдік қор Республиканың лицензияланған астық қабылдау кәсіпорындарында сақталады.