Мал және құс шаруашылығы кәсіпорындарына жем-шөп базасын құруға жәрдемдесу мақсатында Азық-түлік келісімшарт корпорациясы жемдік астықты сатуға дайын. Мемлекеттік оператор 200 мың тонна астық көлемінде тұрақты жұмыс істейтін жемдік қор қалыптастырды.
Жем-шөп сатып алу үшін фермерлер жергілікті атқарушы органдарға жүгінуі керек, олар сатып алушылардың тізімін қалыптастырады және Азық-түлік келісімшарт корпорациясына жем сатып алуға өтінімдер жібереді. Жемдік астық шаруашылықтарға белгіленген бағамен сатылады. Шикізатты жөнелту Ақмола, Қостанай және Солтүстік Қазақстан облыстарының элеваторларынан жүргізіледі.
Естеріңізге сала кетейік, бұған дейін Ауыл шаруашылығы министрлігі Қазгидрометтің ақпан айында ауа температурасының күрт ауытқуы және мал мен құс шаруашылығы кәсіпорындарының жем-шөпті алдын ала дайындау қажеттілігі туралы ескертуін таратқан болатын.
2022 жылдан бастап ішкі нарықты қолжетімді азықпен қамтамасыз ету үшін Азық-түлік келісімшарт корпорациясы маусымаралық кезеңде мал шаруашылықтарына беретін жемдік астықтың резервтік қорын құрады. 2024 жылы астық операторы кәсіпорындарға 120 мың тонна жемдік бидай жөнелтті.