2022 жылдың қорытындысы бойынша «Астық қоймалары» ЖШС көрсетілген қызметтер бойынша келесі өндірістік көрсеткіштерге қол жеткізді:
- Астықты қабылдау 294 411 тонна астықты, 3 311 тонна майлы дақылдарды құрады;
- жөнелту 198 350 тонна астықты, 3 054 тонна майлы дақылдарды құрады;
- дәнді және майлы дақылдарды сақтаудың орташа көлемі тәулігіне 190 000 тоннаны құрады.
Кәсіпорынның жалғыз акционері «Азық-түлік келісім шарт корпорациясы» ҰК» АҚ болып табылады. «Астық қоймалары» ЖШС штат саны 336 бірлікті құрайды, оның ішінде әкімшілік – басқару қызметкерлер і-48 бірлік, өндірістік қызметкерлер – 288 бірлік.
Ақмола және Солтүстік Қазақстан облыстарында астық егетін өңірлерде орналасқан «Астық қоймалары» ЖШС 4 Өкілдіге (Астық базалары) қызмет көрсетеді, элеваторлар мен қойма үй-жайларының жалпы көлемі 491 700 тоннаны құрайды:
- Ақмола облысы, Ақкөл қаласында орналасқан «№ 1 Астық базасы» Өкілдігі;
- Солтүстік Қазақстан облысы, Ғ. Мүсірепов атындағы, Новоишимский кентінде орналасқан «№2 Астық базасы» Өкілдігі;
- Ақмола облысы, Жарқайын ауданы, Кенская станциясында орналасқан «№5 Астық базасы» Өкілдігі;
- Солтүстік Қазақстан облысы, Ақжар ауданы, Дәуіт кентінде орналасқан «№7 Астық базасы» Өкілдігі.
Астық базалары келесі қызмет түрлерін көрсетеді: астық пен майлы дақылдарды қабылдау, жөнелту, сақтау, кептіру және өңдеу. 2023 жылы дәнді және майлы дақылдарды қабылдау, тиеп-жөнелту және сақтау қызметтерін көрсету жөніндегі жұмыстар штаттық режимде жүргізілуде, өнімді қабылдау және тиеп-жөнелту тәуліктің кез келген уақытында жүзеге асырылады. Бүгінгі таңда АҚК-да 322 591 тонна дәнді және майлы дақылдар сақталады. Сақталған астықты қысқы сақтау (салқындату) жағдайларына ауыстыру бойынша технологиялық жұмыстар жүргізілуде.
«Астық қоймалары» ЖШС өкілдіктердің техникалық базасын жетілдіру мақсатты бойынша жұмыс жүргізеді. Жыл сайын ғимараттар мен құрылыстарды күрделі және ағымдағы жөндеу жұмыстары мен элеваторлардың жабдықтарын жаңғырту және жөндеуді жүзеге асырады. Бұл мүліктік кешендердің жұмыс күйінде сақталуын қамтамасыз етуге мүмкіндік береді.