«Азық-түлік келісімшарт корпорациясы» ҰК» АҚ жалпы сомасы 62,7 млрд теңгеге орта мерзімді облигациялардың екі шығарылымы бойынша міндеттемелерді толық орындады. Инвесторларға төлемдер 2026 жылдың тамыз айының соңында төленді.
Қазақстанның астық егетін өңірлеріндегі элеваторлардан Азық-түлік келісімшарт корпорациясы Ауғанстан бағытына бидайдың кезекті партиясын жөнелтуде. Бұған дейін Ұлттық астық операторы Орталық Азиядағы сауда серіктесіне теміржол арқылы 44 мың тонна азық-түліктік бидай жөнелткен болатын.
Азық-түлік келісімшарт корпорациясы егін жинау науқаны кезінде өз қорларындағы бос астық көлемін азайтуда. Шілде-тамыз айларында ұлттық астық операторы Түркістан облысына бидай тиелген 427 вагон жөнелтті.
Ұлттық астық операторы – «Азық-түлік келісімшарт корпорациясы» ҰК» АҚ 2026 жылғы 5-7 қыркүйек аралығында Чанша қаласында өткен Сегізінші Қытай астық саудасы көрме-конференциясында Қазақстанның стендін таныстырды. Қытайдың ең ірі салалық алаңында тағы 20 қазақстандық агроөнеркәсіптік компания өз өнімдерін ұсынды.
Қазақстан мен Қытай ауыл шаруашылығы өнімдерінің, оның ішінде цифрлық алаңдар арқылы сауданы ұлғайтуға, сондай-ақ өңірдің азық-түлік қауіпсіздігін өзара нығайтуға ниетті. Бұл туралы Қазақстан Ауыл шаруашылығы министрлігі делегациясының ҚХР Азық-түлік және стратегиялық резервтер жөніндегі мемлекеттік басқармасының (NAFRA) басшысы Лю Хуаньсиньмен кездесуінде белгілі болды.
Қазақстандық агроөнімдерді экспорттаушылар Қытайдың астық саудасы жөніндегі цифрлық платформасына тікелей қол жеткізді. Бірлескен электрондық алаңның ресми іске қосылуы 2026 жылғы 5 қыркүйекте Чанша қаласында VIII Халықаралық астық көрмесі және астық кәсіпорындарының ынтымақтастығы жөніндегі алғашқы Қытай-Қазақстан конференциясы шеңберінде өтті. Экспозиция жұмысының бірінші күнінде астық өндірушілер цифрлық платформа арқылы 24 мың тонна зығырды жеткізуге мәмілелер жасасты.
Шілде айының ортасынан бастап Азық-түлік келісімшарт корпорациясының мамандары дақылдардың жай-күйін бағалау, алынған қаржыландырудың пайдаланылуын тексеру және ықтимал тәуекелдерді анықтау үшін форвардтық бағдарламаға қатысушы шаруашылықтарға көшпелі мониторинг жүргізеді. Биыл Солтүстік Қазақстан облысында 54 шаруашылық, Қостанай облысында 73 шаруашылық, Ақмола облысында 44 шаруашылық, Павлодар облысында 6 шаруашылық және Шығыс Қазақстан облысында 3 агроқұрылым зерттелді.
Фермерлер егіс алқаптарының құрылымын белсенді түрде әртараптандырып, қосылған құны жоғары дақылдарға басымдық беруде. Бұл үрдіс Азық-түлік келісімшарт корпорациясының форвардтық сатып алу бағдарламасының нәтижелерімен расталып отыр. Өткен ауыл шаруашылығы маусымымен салыстырғанда майлы дақылдарды қаржыландыру көлемі 2,6 есеге – 36 мың тоннадан 95 мың тоннаға дейін ұлғайтылды.
Касабланка қаласында Қазақстан–Марокко Іскерлік кеңесінің алғашқы отырысы өтті. Форум жұмысына қазақстандық делегация қатысты. Оның құрамында «Азық-түлік корпорациясы» ҰК» акционерлік қоғамы Басқарма төрағасы Асылхан Джувашев та болды.
Азық-түлік келісімшарт корпорациясы азықтық бидайды солтүстік өңірлерден Түркістан облысына көшіруге кірісті. Шілде айының соңына дейін оңтүстік өңірдің қажеттілігін қамтамасыз ету үшін 20 мың тонна бидай жеткізу жоспарлануда.
