Касабланка қаласында Қазақстан–Марокко Іскерлік кеңесінің алғашқы отырысы өтті. Форум жұмысына қазақстандық делегация қатысты. Оның құрамында «Азық-түлік корпорациясы» ҰК» акционерлік қоғамы Басқарма төрағасы Асылхан Джувашев та болды.
Азық-түлік келісімшарт корпорациясы азықтық бидайды солтүстік өңірлерден Түркістан облысына көшіруге кірісті. Шілде айының соңына дейін оңтүстік өңірдің қажеттілігін қамтамасыз ету үшін 20 мың тонна бидай жеткізу жоспарлануда.
2026 жылдың алғашқы жарты жылдығында ұлттық оператор фермерлік шаруашылықтардың шоттарына 51,6 млрд теңге аударды. Форвардтық келісімшарттар толық орындалып, жеткізілген өнім үшін түпкілікті есеп айырысу жүргізілгеннен кейін аграршыларды қаржыландырудың жалпы көлемі 65,7 млрд теңгеге жетпек.
Ұлттық астық операторы 2025 жылы қарыз жүктемесін екі есеге азайтты, ауылшаруашылық өнімдерін экспорттық жеткізуді ұлғайтты және фермерлерді мемлекеттік қолдау шараларын кеңейтті. «Азық-түлік корпорациясы» ҰК» АҚ қызметінің нәтижелерін отырыста компанияның Қоғамдық кеңесінің мүшелері қарады.
«Азық-түлік келісімшарт корпорациясы» ҰК» АҚ және Еуразиялық даму банкі (ЕАДБ)100 млн АҚШ доллары сомасына кредит желісін ашу туралы келісімге қол қойды. Қаражат ұлттық астық операторының меншікті жобаларын іске асыруға бағытталады, сондай-ақ фермерлерді қаржыландыру, басым ауыл шаруашылығы дақылдарын өндіруді ынталандыру, ішкі нарықта егін шаруашылығы өнімдерінің тұрақты ұсынысын қалыптастыру үшін пайдаланылуы мүмкін.
Женевада алғашқы Kazakhstan Commodity Forum (Шикізат тауарларын сату жөніндегі қазақстандық форум) өтті, оған 200-ден астам қатысушы – ірі трейдингтік үйлердің, банктердің, логистикалық компаниялардың басшылары, инвесторлар мен халықаралық ұйымдардың өкілдері жиналды.
«Азық-түлік келісімшарт корпорациясы» ҰК» АҚ үш жыл ішінде алғаш рет 2025 жылды оң қаржылық нәтижемен аяқтады. Ұлттық астық операторының таза кірісі 492,4 млн теңгені құрады.
Азық-түлік келісімшарт корпорациясы мен Soy Sky Farm Tech Company Limited (Гонконг) Қытай мен Оңтүстік-Шығыс Азияға дәнді дақылдар, бұршақ дақылдары, майлы дақылдар және бидай ұны экспортын дамытуды көздейтін ынтымақтастық туралы меморандумға қол қойды.
Қытайдың қолданыстағы цифрлық астық саудасы платформасының қазақстандық бөлімі пилоттық режимде іске қосылды. Отандық SN Trade Company ЖШС қытайлық Yihai (Changji) Oils&Grains Industries Co., Ltd компаниясының мекенжайына 200 тонна зығыр майының сынақ партиясын жеткізу туралы келісті.
Азық-түлік келісім-шарт корпорациясы жалпы сомасы 47,5 млрд теңгеге 380 мың тонна астықты өткізу бойынша келісімшарттар жасасты. Оның ішінде 157 мың тонна азық-түлік бидайы экспортқа шығарылмақ, қазірдің өзінде жеткізу жөніндегі келісімдерге қол қойылды. Бүгінде астық Қытай, Ауғанстан, Тәжікстан және Әзербайжан елдеріне қарқынды түрде тамвмалдануда. Ішкі нарыққа 222,7 мың тонна астық жеткізу жөнінде келісімшарттар жасалды. Ұн тарту…
